Kural 410 of 1330
விலங்கொடு மக்கள் அனையர் இலங்குநூல் கற்றாரோடு ஏனை யவர்.
Vilangotu Makkal Anaiyar Ilangunool Katraarotu Enai Yavar
Learning's irradiating grace who gain,Others excel, as men the bestial train
விளக்கம் — மு. வரதராசன்
அறிவு விளங்குதற்குக் காரணமான நூல்களைக் கற்றவரோடுக் கல்லாதவர், மக்களோடு விலங்குகளுக்கு உள்ள அவ்வளவு வேற்றுமை உடையவர்.
விளக்கம் — சாலமன் பாப்பையா
விலங்கை நோக்க மக்கள் எவ்வளவு வேறுபட்டவரோ, சிறந்த நூலைக் கற்றவரை நோக்கக் கல்லாதவர் அவ்வளவு வேறுபட்டவர்.
விளக்கம் — கலைஞர்
மனிதர்களுக்கும் விலங்குகளுக்குமிடையே என்ன வேற்றுமையோ, அதே அளவு வேற்றுமை அறிவு நூல்களைப் படித்தவர்களுக்கும், அந்த நூல்களைப் படிக்காதவர்களுக்கும் இடையே உண்டு
Meaning (English)
As beasts by the side of men, so are other men by the side of those who are learned in celebrated works.