Kural 732 of 1330
பெரும்பொருளால் பெட்டக்க தாகி அருங்கேட்டால் ஆற்ற விளைவது நாடு.
Perumporulaal Pettakka Thaaki Arungettaal Aatra Vilaivadhu Naatu
That is a 'land' which men desire for wealth's abundant share,Yielding rich increase, where calamities are rare
விளக்கம் — மு. வரதராசன்
மிக்க பொருள் வளம் உடையதாய், எல்லோரும் விரும்பத்தக்கதாய் கேடு இல்லாததாய், மிகுதியாக விளைபொருள் தருவதே நாடாகும்.
விளக்கம் — சாலமன் பாப்பையா
மிகுந்த பொருளை உடையது; அதனால் அயல்நாட்டாரால் விரும்பப்படுவது; பெரும் மழை, கடும் வெயில், கொடு விலங்கு, தீய பறவைகள், முறையற்ற அரசு ஆகிய கேடுகள் இல்லாதது; அதிக விளைச்சலை உடையது; இதுவே நாடு.
விளக்கம் — கலைஞர்
பொருள் வளம் நிறைந்ததாகவும், பிறர் போற்றத் தக்கதாகவும், கேடற்றதாகவும், நல்ல விளைச்சல் கொண்டதாகவும் அமைவதே சிறந்த நாடாகும்
Meaning (English)
A kingdom is that which is desire for its immense wealth, and which grows greatly in prosperity, being free from destructive causes.