Kural 761 of 1330
உறுப்பமைந்து ஊறஞ்சா வெல்படை வேந்தன் வெறுக்கையுள் எல்லாம் தலை.
Uruppamaindhu Ooranjaa Velpatai Vendhan Verukkaiyul Ellaam Thalai
A conquering host, complete in all its limbs, that fears no wound,Mid treasures of the king is chiefest found
விளக்கம் — மு. வரதராசன்
எல்லா உறுப்புக்களும் நிறைந்ததாய் இடையூறுகளுக்கு அஞ்சாததாய் உள்ள வெற்றி தரும் படை, அரசனுடைய செல்வங்கள் எல்லாவற்றிலும் சிறந்ததாகும்.
விளக்கம் — சாலமன் பாப்பையா
தரைப்படை, கப்பல் படை, விமானப்படை, காவல்துறை என நாட்டைக் காப்போர் பிரிவினால் நிறைந்து, போர்க்களத்தில் புண்பட அஞ்சாது, பகைவரை வெல்லும் படையே ஆட்சியாளரின் செல்வத்துள் எல்லாம் முதன்மையான செல்வம் ஆகும்.
விளக்கம் — கலைஞர்
எல்லா வகைகளும் நிறைந்ததாகவும், இடையூறுகளுக்கு அஞ்சாமல் போரிடக்கூடியதாகவும் உள்ள படை ஓர் அரசின் மிகச்சிறந்த செல்வமாகும்
Meaning (English)
The army which is complete in (its) parts and conquers without fear of wounds is the chief wealth of the king.