Kural 872 of 1330
வில்லேர் உழவர் பகைகொளினும் கொள்ளற்க சொல்லேர் உழவர் பகை.
Viller Uzhavar Pakaikolinum Kollarka Soller Uzhavar Pakai
Although you hate incur of those whose ploughs are bows,Make not the men whose ploughs are words your foes
விளக்கம் — மு. வரதராசன்
வில்லை ஏராக உடைய உழவராகிய வீரருடன் பகை கொண்ட போதிலும், சொல்லை ஏராக உடைய உழவராகிய அறிஞருடன் பகை கொள்ளக் கூடாது.
விளக்கம் — சாலமன் பாப்பையா
விலலை ஆயுதமாகக் கொண்ட வீரரோடு பகை கொண்டாலும், சொல்லை ஆயுதமாகக் கொண்ட எழுத்தாளரோடு பகை கொள்ள வேண்டா.
விளக்கம் — கலைஞர்
படைக்கலன்களை உடைய வீரர்களிடம் கூடப் பகை கொள்ளலாம் ஆனால் சொல்லாற்றல் மிக்க அறிஞர் பெருமக்களுடன் பகை கொள்ளக் கூடாது
Meaning (English)
Though you may incur the hatred of warriors whose ploughs are bows, incur not that of ministers whose ploughs are words.