Kural 935 of 1330
கவறும் கழகமும் கையும் தருக்கி இவறியார் இல்லாகி யார்.
Kavarum Kazhakamum Kaiyum Tharukki Ivariyaar Illaaki Yaar
The dice, and gaming-hall, and gamester's art, they eager sought,Thirsting for gain- the men in other days who came to nought
விளக்கம் — மு. வரதராசன்
சூதாடு கருவியும், ஆடும் இடமும், கைத்திறமையும் மதித்துக் கைவிடாதவர், (எல்லாப் பொருள் உடையவராக இருந்தும்) இல்லாதவர் ஆகிவிடுவார்.
விளக்கம் — சாலமன் பாப்பையா
சூதாட்டத்தையும் சூதாடும் இடத்தையும் சூதாடும் திறம் படைத்த கையையும் பெருமையாக எண்ணிச் சூதாட்டத்தை இறுகப் பிடித்துக் கொண்டவர் பொருளால் இல்லாதவராகிப் போனது முன்பும் உண்டு.
விளக்கம் — கலைஞர்
சூதாடும் இடம், அதற்கான கருவி, அதற்குரிய முயற்சி ஆகியவற்றைக் கைவிட மனமில்லாதவர்கள் எதுவும் இல்லாதவர்களாகவே ஆகிவிடுவார்கள்
Meaning (English)
Penniless are those who by reason of their attachment would never forsake gambling, the gambling-place and the handling (of dice).