Kural 963 of 1330
பெருக்கத்து வேண்டும் பணிதல் சிறிய சுருக்கத்து வேண்டும் உயர்வு.
Perukkaththu Ventum Panidhal Siriya Surukkaththu Ventum Uyarvu
Bow down thy soul, with increase blest, in happy hour; Lift up thy heart, when stript of all by fortune's power
விளக்கம் — மு. வரதராசன்
செல்வம் பெருகியுள்ள காலத்தில் ஒருவனுக்குப் பண்பு வேண்டும், செல்வம் குறைந்து சுருங்கும் வறுமையுள்ள காலத்தில் பணியாத உயர்வு வேண்டும்.
விளக்கம் — சாலமன் பாப்பையா
நல்ல குடும்பத்தில் பிறந்து மானம் காக்க எண்ணுவோர் செல்வம் நிறைந்த காலத்தில் பிறரிடம் பணிவுடனும், வறுமை வந்த காலத்தில் தாழ்ந்து விட்டுக் கொடுக்காமலும் நடந்து கொள்ள வேண்டும்.
விளக்கம் — கலைஞர்
உயர்ந்த நிலை வரும்போது அடக்க உணர்வும், அந்த நிலை மாறிவிட்ட சூழலில் யாருக்கும் அடிமையாக அடங்கி நடக்காத மான உணர்வும் வேண்டும்
Meaning (English)
In great prosperity humility is becoming; dignity, in great adversity.